用開不同的APS-C/Full Frame機種，今次於Cam2試一試部富士GFX 50R。其實久候想毒一毒中片幅聞名不如見面嘅高畫質，但硬是自我覺得又大又笨重，攞出街輕便性同反應不知是否接受得上。但於今次一試之下，簡直好似一棒當頭拍下，重重注射毒液入我體內一樣。
FUJIFILM GFX 50R 雖然是5140萬像素中片幅數碼相機，但採用旁軸觀景器設計，使它出奇地小巧和輕便。在比較底下，其實跟我攞住部單反差不多，感覺更輕巧。由於中片感光面積較大，加上又有5千多萬像素之優勢，畫質細膩之餘亦有高動態範圍，而且富士另一強項我不用多説，好多朋友已被我毒到的獨有富士菲林色彩模式，新鮮熱辣更新加入最新CLASSIC NEG.模式，可以比我盡情去試拍。畫質上當然不容質疑，唯一是價錢上卻未必是人人可以接受，講到中片幅，好一段時間價位上對於大多數用家來說便稱得上遙不可及，而直至富士推出中幅無反GFX系列之後，情況終於有一點改變。近年富士嘅進取，係我哋用家嘅福氣。我手上嘅旁軸50R機身價錢已降至低過三萬蚊有找(*有我獨家優惠喔)，真係相當吸引，老闆留返部比我啵。
今次我就用咗支標準變焦鏡頭GF32-64mmF4 R LM WR(等效約 25-50mm)，貪佢可以應付廣角風景及中距的特寫拍攝，懷住滿高期望心理準備底下，結果真係無令我失望，出黎畫質細膩得真係再令我驚艷一下，自己擁有富士DNA操控習慣性之下，其操作反應速度也一一接受。畫質上，無論由左至右每一個位置也相當細緻，立體感方面用全片幅一定無法跟它比得上。例如看看雲層的層次光暗變化，係原圖底下看真係無得輸。前後景深，主體的顏色分明，真係體會一下咩叫做「聞相」。
32mm / F9 / 1/200sec. / ISO 100
32mm / F7.1 / 1/500sec. / ISO 100
64mm / F5.6 / 1/200sec. / ISO 100
32mm / F5 / 1/125sec./ ISO 200
32mm / F8 / 1/200sec. / ISO 100
48mm / F5.6 / 1/500sec. / ISO 200
64mm / F6.4 / 1/30sec. / ISO 4000
DOMHO PHOTOGRAPHY
--
DOMHO PHOTOGRAPHY 運動攝影師透過相機的觀景屏，看盡各運動員的即時動態及表情，拍下種種激動人心的畫面。熱愛運動不時騎著單車穿梭跑過各城市，攝下瞬間即逝的珍貴風景，人物及回憶。這就是運動攝影師DOMHO對拍攝的理念，為每張照片留下一輯輯獨特的故事畫面，回憶對每個人永遠是最珍貴的。