好天shopping,唔好天shopping 好天影相,唔好天都可以影相
在我眼裡,好天的風景用現今智能電話已可以影得好靚,內設HDR等等特效,放上FB/IG一啲都唔會輸蝕。以我個人來說,我反而喜歡拍攝陰天/惡劣的環境照片。當處於弱光及瞬間幻變氣氛底下,拍出一瞬即逝的情景,要表現出光暗分明突出光位嘅焦點,更能考驗你嘅反應能力及相機處理嘅效能。
今次 #Cam2 借出富士新推出嘅 #Fujifilm #XPro3,此系列以旁軸相機設計風格為招徠,除一向以賣相復古外,今次大膽預設收起LCD屏幕,更成為一時爭論話題。以使用家重拾對攝影原始嘅初心,讓你每按一下快門也先經過思考,事前構圖不至被忽略,攝影不只是由LCD來控制你思維。以獨有的 EVF / OVF 混合式取景構圖,令每張照片都藏著屬於自己嘅故事。
今次主力測試新加入期待嘅「Classic Negative」菲林模擬模式,再配上我認為最輕巧嘅街拍組合 (#XF23mm F2 WR) 。於測試的這幾天,正值天氣不穩,天色昏暗亦未至於下雨的環境下,那正好使我能試到相機嘅真正表現。以我一貫對富士獨愛風格,加大對比減低色相,調整高光/暗位及銳利,來顯示出現場嘅立體氣氛。全以JPG相機設定,低光快速對焦、連拍、計時自拍等等測試出來,無論是情節萬變街拍,以至處身昏暗山林之中,大部份直出來已得到心目中滿意嘅畫面。
DOMHO PHOTOGRAPHY
© 2020 by DOMHO:// PHOTOGRAPHY. All rights reserved